【歷史冷知識】二戰後的勝利之吻

歷史與由來

如果係街度無啦啦有人錫你,你會報警,定係取決於His Face His Fate?

二次世界大戰有多張具代表性嘅相片,其中一張嘅最出名就「勝利之吻」。相片由攝影師Alfred Eisenstaedt 係1945年8月14日,當美國宣布二戰戰勝時,一個男水手係街頭擁吻一個女護士,呈現出當時人們對結束戰爭嘅喜悅。簡單一吻,成為二戰嘅經典照片。不過有趣嘅係,男女主角只係萍水相逢,素不相識。

當時日本宣布投降,意味住戰爭終於結束,大家都非常興奮,紛紛湧上街頭慶祝,當中包捨水手George Mendonsa同佢女友Rita Petry。慶祝嘅時候,大家都張開雙手跳舞,女護士水手Greta Friedman向George發出邀請,兩個跳起舞上嚟。沉醉於戰爭勝利嘅興奮,George將Greta攬低,並低頭親吻佢,成就咗呢個「世紀之吻」。由於兩人並唔認識,一吻之後亦分道揚鑣,不過過程就比攝影師影低左!捉到正曬呀!

相片刊登之後,曾經有11個男子同3個女子自稱係相中人,後來經過一番努力先搵到真正嘅主角。Friedman曾經受訪表示相片只係美麗嘅巧合,係感激戰爭嘅完結唔包含浪漫元素,佢個心只係有佢女朋友(後來妻子) Rita嘅存在,叫大家唔好多心,事實上,男主角George同Rita最後都係白頭到老架!

分享


你可能感興趣: