生活冷知識:無線藍牙名字的由來︱Beginneros

歷史 / 由來

近年代開始普及嘅「藍牙無線技術」相信大家日常生活都會接觸過,但你又知唔知道Bluetooth藍牙哩個名係點嚟呢?

喺10世紀,歷史上北歐有一個國王個名就係叫「藍牙・哈拉爾德」。哩個國王最出名嘅事蹟就係:統一咗各個部族成立丹麥王國,後來更統治埋挪威。咁究竟佢同藍牙技術有咩關係呢?

喺90年代初,愛立信(Ericsson) 提出想發明一個低功耗、低成本嘅無線通訊連線而接觸咗唔同嘅行動裝置製造商。所以1998年,由Sony、IBM、Intel、Nokia同Toshiba各大製造商嘅支持下,組成咗「特別興趣小組 (Special Interest Group, SIG)」,開始研究及開發新技術。喺一年後,藍牙1.0版本就正式誕生。

而「藍牙」哩個名係由兩位小組成員Jim Kardach同Sven Mattisson談論起一本叫The Long Ships嘅書嘅時候諗起。本書嘅內容係有關於藍牙國王,佢哋認為哩個名好代表到哩個由各大公司合作而製成嘅無線技術。

相信哩個小故事就係導致最終決定用「藍牙」哩個名嘅開端喇。

分享


你可能感興趣: