【歷史冷知識】雷達出現前的職業

歷史與由來

戰爭嘅出現,往往令科技急速成長,第二次世界大戰時,雷達探測哩項發明令到同盟國擁有比起敵人更大嘅優勢。不過未有雷達之前,究竟軍隊係點樣知道敵軍接近呢?
其中一個方法就係「人體雷達」啦,「人體雷達」工作者需要配戴一種聲音擴大器嚟做聲音定位,擴大器嘅工作原理就好似助聽器咁,不過外型就大得多喇。哩類裝置喺偵測緩慢移動嘅飛行器(包括飛機與飛船)時特別有效,可以聽到三十公里以外嘅飛行器聲音,從而達到提前發布警報嘅功能。
不過因為新型飛機速度越來越快,當聲音被偵測到嘅時候,飛機已經相當接近,再加上後來發明咗雷達,喺預警方面更有效率,所以哩種「人體雷達」喺二戰中期就逐漸被淘汰。
另外,當時仲有「聲鏡(Acoustic mirror)」去探測聲音,預測敵方空軍來襲,原理就係以弧形建築嚟做聲音反射,去聽飛行器聲音。雖然戰爭係唔值得鼓勵,但不得不承認戰爭令人類更活用身邊嘅工具同能力,方便生活!
資料及圖片來源:Rare Historical Photos、Web Urbanist

分享


你可能感興趣: