生活冷知識:倖存者偏差︱Beginneros

生活

有冇人曾經同你講過:你睇下啲成功者幾努力,所以你努力啲都會成功架!唔講唔知,其實咁就犯咗「倖存者偏差」啦!


倖存者偏差 (Survivorship Bias) 係一種認知偏差。佢地嘅邏輯謬誤在於過分關注於某種倖存嘅經歷,忽略嗰啲無法倖存同一件事件嘅人或事。


簡單嚟講,即係只關注篩選出嚟嘅結果,而忽略篩選條件同機制,只係睇到啲好嘅結果,睇唔到啲差嘅結果,或者當差嘅結果唔存在。呢類人好容易因為過份樂觀,而忽略同唔考慮他人嘅失敗經驗。


用返引文嘅例子,好多人將努力同成功劃上等號,但卻忽略咗同樣努力卻未能成功嘅人,其實呢種邏輯謬誤可能無形中加重人嘅負擔架。又例如喺香港可能會聽到人講「相當年,我地因為捱得先⋯⋯」,聽到唔洗唔開心,因為呢種說法只係邏輯謬誤。聽完就當係磨練一下自己嘅EQ,當做另類嘅動力啦!

分享


你可能感興趣: