【生活冷知識】比堅尼名字由來

生活百科

夏日熱辣辣,當然要準備件泳衣出發去玩吓水!不過你又有冇諗過「比堅尼」個名係點嚟?

「比堅尼 Bikini 」原來同原子彈試驗有關!呢個名字其實取自太平洋嘅「比基尼環礁 (Bikini Atoll) 」,比基尼環礁係一個屬於馬紹爾群島共和國嘅堡礁,由23個小島環繞著一個潟湖而組成。1946年到1958年間,美國喺到就進行咗20幾次原子彈同氫彈爆炸試驗。

咁點解關比基尼環礁事?

喺1946年,法國設計師Jacques Heim,仲有法國汽車工程師兼服裝設計師Louis Réard,幾乎同樣時間推出佢地新設計嘅泳衣--兩件頭泳衣。Jacques Heim叫佢嘅設計為「Atome 原子」,取其嘅意思,形容佢係全世界最細件嘅泳衣;而Louis Réard就叫自己嘅設計做「Bikini 比堅尼 」,因為4日前比基尼環礁啟動咗和平時期嘅首次核武器試驗,於是就取其意思,希望自己嘅設計影響力無異於呢一次核爆,有「爆炸性的商業及文化反應」。

由於Louis Réard設計嘅Bikini(冇包肚臍)比Jacques Heim設計嘅Atome(包埋肚臍)仲要細件,而且簡潔,所以被標榜為「比最細嘅泳衣更細」。法國《費加羅報》亦都寫道:「對於女性,著比堅尼代表第二次解放。比堅尼同性無關。反而係一場慶祝自由同生活樂趣回歸嘅活動。」

雖然一開始比堅尼喺法國受到好評,不過最初其實布料比較多嘅原子泳衣喺海灘賣到比較多泳衣。加上當時社會仲處於比較保守狀態,依然偏向傳統嘅一件頭泳衣,令到兩件頭泳衣並未受到大眾歡迎。直至50年代,當時唔少當紅女演員和Model開始拍攝比較性感、尺度比較大嘅硬照,所以會著比堅尼拍攝,亦令到比堅尼開始走紅,被大眾接受而流行。就1988年,比堅尼已經佔據泳衣銷量當中嘅20%,超越其他美國款式。直至而家,比堅尼更係被廣泛接受。

直至而家,比堅尼更係被廣泛接受,亦成為唔少人士夏天嘅常用衣服。

分享


你可能感興趣: