【動物冷知識】CIA訓練的貓間諜

歷史與由來 動物與昆蟲

一個成功嘅間諜,需要具備敏捷嘅身手,仲要識得搏鬥,當然亦唔少得一副英俊嘅面孔。咁可以去邊搵到合適嘅人選?美國就曾經選擇過貓啦!

一份美國中央情報局(CIA)文件揭露,喺1960年代,為咗嘗試對以前嘅蘇聯進行間諜活動,佢地曾經將「咪」植入咗一隻貓嘅耳道,並且將一個小型的無線電發射器同埋線穿入佢嘅身體,並且訓練貓咪到指定地點進行計劃。計劃名為「Acoustic Kitty」,用咗五年發展,當中花費約1300萬美元。

中央情報局比貓咪嘅第一個任務,就係竊聽兩個目標人物嘅對話,當特工貓被放出去以接近目標人物嘅時候,特工貓的確向目標行前咗幾步,之後就爭啲比部的士車死,任務亦以失敗告終。最後,當局有感於難以對貓進行訓練而放棄計劃,並且將特工貓變返做隻普通貓,等佢可以繼續過佢應該享有嘅幸福生活。

貓睇嚟都係比較適合做主子,我地亦都比較適合繼續做貓奴啦。

分享


你可能感興趣: