動物冷知識:珊瑚的重要性︱Beginneros

動物 自然

世界最出名嘅珊瑚地區,非澳洲大堡礁莫屬。除左因爲靚之外,大家有冇諗過,點解人類咁需要保護珊瑚?

珊瑚可以話係海洋嘅生命之源,整個食物鏈嘅基礎,佢地通過回收,令營養鏈得以循環。

佢哋亦係唔少海底生物嘅避風港,以藻類為食嘅魚類,都會去珊瑚附近食共生藻類,或者利用同珊瑚相近嘅身體顏色,去避開天敵嘅追捕。

同時,珊瑚亦係海洋嘅記錄儀,珊瑚生出骨骼時,會將海底狀況一同「寫入去」,紀錄海岸嘅變遷。有啲珊瑚可以生存幾千年,分析珊瑚嘅骨骼,就可以得知海洋嘅歷史變遷。被抬升到陸地上嘅珊瑚,更可以令地質學家了解到地表幾千萬年嚟嘅變動,可以話係地球嘅活歷史。

另一方面,珊瑚亦好似一道保護網一樣,可以吸收到海浪衝擊,保護海岸線、維持漁業資源。

所以,保護珊瑚,就等於保護緊整個海洋生態,甚至係保護緊整條食物鏈。希望大家可以好好記住,令更多人了解珊瑚嘅重要性,保護海洋嘅重任,就靠我們了!

分享


你可能感興趣: