過去的好時光

心理 生活

「唉,今時唔同往日,都係以前好啲」

過去的好時光 (Good Old Days) 係一個常見嘅社會現象。講呢番話嘅人,普遍認為當下嘅時代唔及過去嘅時光好,懷緬過去。YouGov嘅一項英國民意調查發現,70%嘅人認為世界變得越嚟越差,只有少於10%嘅人認為世界正在變好。

研究反映民意,不過,過去嘅日子係咪真係比而家好?

行為科學教授Nick Chater指出呢個係心理學上嘅一種認知偏見。隨住社會嘅發展,有事情會變好,亦有事情會變差,但由於損失規避 (Loss Aversion),令大家認為世界變得更差。情況就好似喺街執到$100比起唔見$100,相比之下損失$100嘅感覺會更大一樣,相比之下就覺得現時生活更差。

另一方面,由於記憶傾向過濾唔開心嘅經歷,較常記住開心嘅美好事物,從而令大家誤解以前嘅社會更好。如果大家可以由過去嘅角度睇返現時嘅進步,大家會發現其實世界係變得更好。

有時你可能會覺得另一半以前會對你好啲,有冇諗過其實都係出現緊Good Old Day現象呢?

參考資料:The University of Warwick

分享


你可能感興趣: