食物冷知識:最佳食用日期 此日期前食用︱Beginneros

生活 飲食

屋企食物過左期,大家會點做?嗱!睇清楚先,究竟係過左「最佳食用日期」,定係過左「此日期前食用」?兩者係唔同架!

最佳食用日期 (Best Before):係指日期之前,食品仲可以保持佢最好嘅質素,過左最佳食用日期,產品未必會變壞,只係無咁新鮮。呢啲產品通常係啲唔易變壞嘅食物,例如冷凍﹑罐頭食品或者乾糧等等,其實仲可以食架!

此日期前食用 (Used By):係指食物唔可以喺指定日期後食用,因為呢類食物通常好快變壞,食左可能會對健康有害,通常就係啲奶類製品。

下次選擇個時,記住留意下食物係邊一類日期,食得唔好嘥呀嘛!

分享


你可能感興趣: