【香港冷知識】位於小西灣的情報收集中心

香港本土

香港同英國淵源甚深,香港作為一個國際化城市,加上處於敏感地帶,自自然然收埋唔少國際消息,秘密就更加唔洗講啦。正因如此,英國曾經喺香港小西灣設立過一個情報收集中心。

小西灣原先係柴灣嘅一部分,位於香港島東部盡頭,所以當時亦有「柴灣仔」、「小柴灣」嘅別名。早喺1925年,英國已經有喺香港設立無線電監聽站。1947年,英國、美國、澳洲、加拿大和新西蘭等國,為咗監聽同獲得中國、蘇聯等共產政權嘅無線通訊同情報,於是簽署聯合協議,喺小西灣興建咗一個遠東最大規模嘅情報收集中心,同時亦有喺大埔仔、大帽山、舂坎角等地設立監聽點。

隨住1984年中英兩國簽署咗《中英聯合聲明》,確定香港將會移交中國,情報收集中心亦喺1985年被拆除,亦因為嗰度環境優美,所以被改建成曉翠苑、富景花園同小西灣邨等住宅用地。

分享


你可能感興趣: