世界冷知識:各地花卉代表︱Beginneros

生活 世界

人類一向愛花,花除左觀賞之用,其實亦有好多唔同嘅象徵意義,有唔少地方國家都有屬於自己嘅代表性花卉,代表唔同嘅象徵意義,等我地列舉部分例子啦。

香港 – 洋紫荊:
洋紫荊係喺香港首次被發現,寓意香港海港,有如該棵於1880年唯一一次於野外發現的洋紫荊一樣唯一和珍貴。

台灣 – 梅花:
三蕾五瓣,代表三民主義同五權憲法,梅花耐寒,愈冷愈開花,象徵堅貞,剛毅,聖潔,代表台灣人嘅精神。

南韓 – 木槿:
木槿花期漫長,由春至秋,代表強韌無比嘅生機,表現大韓民族歷萬劫而彌堅嘅特性。潔白嘅花瓣代表公正、誠實與廉潔;粉紅嘅花心就代表熱情,象徵住韓國嘅民族性。

日本 – 櫻花/菊花:
櫻花花期雖短暫,但正如日本人所敬重嘅武士道精神咁,不在乎天長地久,只在乎曾經絢爛。另外,日本亦會用菊花代表皇室,所以日本係用」雙國花」,櫻花代表大眾,菊花代表皇室。

埃及 – 睡蓮:
睡蓮早晨開花,黃昏時閉合,所以稱為「睡蓮」,又名「夜合花」。埃及人非常鍾意象徵高雅脫俗嘅「水中花后」睡蓮,故獲選為埃及國花。

荷蘭 – 鬱金香:
第二次世界大戰時,荷蘭出現嚴重嘅飢荒,更正值冬季嚴寒。為咗生存,好多人以鬱金香嘅球根為食來度日,所以荷蘭人非常珍愛鬱金香,並奉為國花。

法國 – 百合/鳶尾:
十七世紀時,法國武士在打仗時,所持的盾牌上都畫有三朵百合花,每每凱旋而歸,於是他們視百合為吉利的象徵,而定為國花。時至近代,鳶尾成為法國國花,鳶尾代表光明和自由,亦喺皇室同宗教上有一定意義。

當一種花具有歷史意義之餘,又有獨特嘅自然特徵,當然係代表一個國家嘅最好象徵啦!

分享


你可能感興趣: