【動物冷知識】招潮蟹大小螯的分別

動物與昆蟲

「螯」(音同:敖)即係我哋講嘅「蟹鉗」,招潮蟹會做出舞動大螯嘅動作,就好似係度呼喚潮水,所以得到「招潮蟹」呢個名稱,最大嘅特徵係雄蟹擁有一對一大一細﹑相差懸殊嘅螯。

咁大同細嘅螯對招潮蟹有咩影響?
首先,大螯係雄性招潮蟹嘅標誌。有咗佢,唔單止可以吸引雌性,仲可以用嚟打交,保護家園。不過擁有大螯嘅雄性,一講到進食哩方面,佢就輸咗俾雌蟹嘅小螯喇。雌性招潮蟹雖然只係有兩隻小螯,但掘出喺泥入面嘅食物再放入口嘅時候,相對比大螯就好用好多喇,有兩隻小螯嘅雌蟹食嘢速度會較單手進食嘅雄蟹快喇。

其實大小螯都各有各好處同不足,就好似同人嘅體重同高度一樣,唔一定係大啲﹑高啲或者係輕啲先係好啲架!

分享


你可能感興趣: