【歷史冷知識】二戰時候的特別計劃:希特拉變成女性?

歷史與由來 人物傳記

如果希特拉係一個女性,第二次世界大戰會變成點?點解會問一個咁奇怪嘅問題?唔係因為性別歧視,而係因為有人曾經諗過將他變成她!

二戰開始嘅時候,同盟國為咗快啲結束戰爭,諗過好多千奇百怪嘅方法,希望改變希特拉,其中一個就係喺食物入面入手,但當中並唔係喺食物落毒,而係喺希特拉食物入面加入女性荷爾蒙,令到希特拉變得無咁具侵略性,希望將佢變成佢個秘書妹妹Paula Hitler咁溫柔。

據記載,當時已經有英國間諜成功成為希特拉嘅主廚,可以確確實實咁執行呢個計劃,喺佢嘅飯餸加入一種雌激素,慢性改變佢。希特拉有聘請試食嘅人,喺佢食飯之前試食,無色無味嘅雌激素計劃可以話係天衣無縫,亦唔會引起懷疑。不過,最後呢個計劃都無進行到,如果唔係,歷史可能會因此再次改寫!

資料來源:Secret Weapons: Technology,Science and the Race to Win World War II

分享


你可能感興趣: