歷史冷知識:斑馬線的前身︱Beginneros

歷史 / 由來 世界

馬路叫馬路,係因為古時嘅交通工具係馬車,所以比馬車行嘅路就叫馬路。咁斑馬線呢?

當然唔係因為比斑馬行啦,係人都知斑馬線係比人行,叫斑馬線只係因為黑色同白色睇落同斑馬間紋嘅顏色相似因而命名。而第一條斑馬線,係喺1868年,位於英國嘅Bridge Street嘅出現,由工程師John Peake Knight設計,希望幫助行人安全咁通過呢條繁忙大道。

不過早喺超過2000年之前,古羅馬城市龐貝Pompeii就已經有類似嘅概念。由於龐貝道路會配合排水同污水處理系統,所以比人行嘅路係高啲,低啲嘅路就係「馬路」,比馬車行。當市民想過對面嘅路,可以行凸起嘅石頭,而石頭與石頭之間嘅距離,就係馬車兩輪嘅距離,比馬車經過。當落雨或排水時,市民就唔洗行喺道路上面,整污糟自己。情況有啲似過河嘅時候,踩住石仔嚟過嘅道理,所以市民見到嘅時候,就知道係比佢地行嘅地方啦。

資料來源:書籍 (Cities of Vesuvius: Pompeii and Herculaneum)

分享


你可能感興趣: