【世界冷知識】各地的奇怪保險

世界文化

保險大家聽得多,唔多唔少都有買過,不過如果係以下嘅保險,你又有冇興趣買埋一份呢?

1. 外星人綁架保險:由美國嘅一間保險公司承保,只需要一次過繳付19.95美元,就可以得到1,000萬的保單承包,保單終生有效,最好笑嘅係保單持有人要邀請埋外星人喺理賠申請書上簽名。

2. 狼人或吸血鬼攻擊保險:一間英國嘅保險公司承保,如果你俾吸血鬼咬傷、受到狼人攻擊,或者面對喪屍大災難,就可以得到賠償。

3. 綠帽保險:由一間荷蘭保險公司承保,專為擔心戴綠帽嘅男士而設,如果一個唔好彩被帽,都可以得到$500歐元安慰金。

4. 脫離單身保險:由一間中國保險公司承保,限量1,000份,只要購買哩個保險嘅人喺一年後結婚,即可以獲得$4,999人民幣蜜月禮金。

5. 員工中獎保險:由一間英國保險公司承保,防止公司嘅員工中彩票而集體辭職,令公司運作唔到,保險會向公司提供資金去聘請臨時員工﹑替代員工,確保業務可以繼續運作。

咁奇怪都竟然有人買,但自己最切身嘅保險反而大家好少留意。 買保險最重要係有需要嘅時候保障自己,你可能呢世人都唔會比外星人捉,但一年就睇幾次醫生。 所以有關你健康嘅保險,一定要好好計劃!

分享


你可能感興趣: