【健康冷知識】暗瘡成因

醫藥健康

「喂你嘴角有粒飯播」
「唔係呀!暗瘡嚟架!」
額頭﹑下巴﹑背脊﹑鼻哥﹑頸部,無論係諗到定諗唔到嘅地方,暗瘡都係老是常出現。暗瘡爛面嘅痛苦就好似折磨到你癲咁!究竟成因係咩呀!?

暗瘡主要係由於皮脂分泌過多同堵塞所引起,造成呢啲問題嘅原因幾種,包括青春期期間嘅荷爾蒙轉變﹑飲食唔健康﹑壓力或情緒太大導致內分泌失調﹑皮脂腺發達等等。而且成因往往唔只一種,而係同一時間有幾種,令人受盡折磨!

大家可能試過不停洗面、喪飲涼茶、係咁擠走佢地。最慘嘅係,即使用盡方法成功快速將暗瘡消滅,佢地造成嘅傷口發炎,紫外線加深色素沉澱引起嘅暗瘡印,都會同你班損友一樣揮之不去,加上皮膚組織受損,亦會造成凹陷疤痕。

想處理暗瘡問題,做要好好改善自己唔好嘅生活習慣啦!

分享


你可能感興趣: