歷史冷知識:聽診器的由來︱Beginneros

歷史 / 由來

「拎高件衫,深呼吸,後面」,每次去睇醫生,呢個都係我地檢查呼吸嘅指定動作,醫生用聽診器去聆聽呼吸亦係一件正常嘅事。
喺未有聽診器之前,醫生一直係將耳朵貼近胸部,以一條毛巾相隔去直接聽診。直至1816年,醫生Rene Laennec為一名心臟有問題嘅求診婦人進行檢查,但由於個位婦人身體較為豐滿,加上 Laennec認為貼隻耳埋異性胸前嘅做法比較尷尬。尷尬之下,佢將紙捲成一個圓筒,一邊放喺婦人嘅心臟部位,另一邊進行聆聽,效果良好。
於是,Laennec用咗三年時間進行研究,創造出單耳式木質聽診器相似,形成現代聽診器嘅原形。經過時日變遷同改進,聽診器慢慢由單耳變成雙耳,大大聽提聽診嘅效率,真係唔少醫生都需要多謝Laennec呀!

分享


你可能感興趣: