【動物冷知識】大熊貓黑眼圈的作用

動物與昆蟲

嘩佢好大個黑眼圈,琴晚肯定係唔夠訓啦!等等先,大家黑眼圈嘅作用唔同播!

人類嘅黑眼圈係因為身體問題,而熊貓嘅黑眼圈,主要係為咗可以保護自己,有兩個主要用途。

首先,熊貓遠望起嚟對眼好大,但其實佢地眼珠好細,黑眼圈偽裝成佢地嘅「大眼仔」,令其他動物同熊貓對視嘅時候會被震撼,亦令佢地望起嚟更具霸氣。

另外,熊貓棲息喺高海拔地區,溫度較低,黑色毛髮有助熊貓吸熱同減少熱量流失,成為身體嘅一層保護,所以亦係進化而嚟嘅成果。大自然嘅進化其實真係妙不可言!

照咁睇,形容人地係「熊貓眼」好似用得唔係好恰當,除非你老闆見到你對熊貓眼之後比你震懾到啦,否則人類嘅熊貓眼真係作用不大,無熊貓對眼咁勁呀!

分享


你可能感興趣: