動物冷知識:混血狗狗才是優質︱Beginneros

動物 自然

狗仔有咁多唔同品種,邊種有最少因為基因而帶嚟嘅病痛?

芝娃娃?唔係!哥基?都唔係!答案係:自然繁殖嘅混種犬,即係我地經常叫嘅唐狗!

其實好多唔同純種狗都會有特定常見嘅疾病,例如哥基同臘腸狗會較容易有關節問題,松鼠狗較容易有氣管問題,北京狗較易有心臟問題,原因係當純種狗與同一品種嘅狗繁殖嗰時,有好大機會將原先品種嘅疾病基因遺傳,造成某部分基因上嘅缺陷,產生疾病遺傳。

相反,混種狗繁殖嘅時候,由於有「雜種優勢」(Heterosis),下一代就可以透過繼承父母唔同嘅優勢,獲得更好嘅生物特性。雖然有機會變得更差,不過總比單一種類較好,所以混血喺某程度上先係優質架。

如果考慮緊養狗嘅你,不如考慮下呢班咁可愛嘅混血王子呀!

分享


你可能感興趣: