【協助切腹的介錯人】

歷史 / 由來 世界

切腹,並唔係一個人嘅事,日本武士切腹嘅時候,原來會搵人幫手。

「切腹」故明思意即係切開腹部自殺,目的係喺死前受到極大嘅痛苦,係武士最崇高嘅死亡方式。古時日本人相信,人嘅靈魂係存於腹部,切開腹部就可以展示出自己嘅靈魂,加上切腹時會產生極大苦痛,令人感到生不如死,如果可以勇敢地完成切腹儀式,可以凸顯一位武士不懼痛苦,堅持貫徹武士道最有尊嚴嘅死亡方式。

切腹嘅時候,切腹人會拎起刀捅入自己腹部,然後會由左至右切割,再稍微向上,但由於切腹實在太痛苦,部份切腹嘅人會係切腹之後,透過企喺後面嘅介錯人進行「抱首」,即係對切腹者進行斬首,令切腹者可以加速死亡,免除痛苦。

對於被託付執行介錯嘅人嚟講,係一件相當光榮嘅事情,介錯只會由切腹者關係密切嘅親友或者劍術精湛嘅人執行。如果武士因為戰敗但輸得光榮,對手亦會向戰敗者嘅勇氣致敬,自願擔當介錯人,可謂「識英雄﹑重英雄」。

分享


你可能感興趣: