科學冷知識:人與外星生物的三類接觸︱Beginneros

科學 自然 世界

有冇聽過第三類接觸?第三類係指啲咩?

喺1972年,天文學家兼UFO研究員J. Allen Hynek,喺《經歷UFO:科學調查 (UFO Experience: A Scientific Inquiry) 》中,將人同外星生物嘅接觸 (Close Encounter) 作出咗以下嘅定義:

超過150米距離見到嘅接觸,主要會分為「夜間所見到嘅光 (Nocturnal Lights)」、「喺日頭見到嘅UFO (Daylight Discs)」同「雷達顯示(Radar-Visual)」
喺150米距離裡嘅接觸,就係平時提到嘅第一﹑二﹑三類接觸,分成三類當中包括:
第一類接觸:喺150米距離裡見到不明飛行物體
第二類接觸:見到不明飛行物體,對目擊者同周圍嘅環境所帶嚟嘅物理現象,例如目擊者癱瘓、發熱、不適,或者係地面被焦燒同破壞,動物受驚,干擾電子設備嘅功能同接收等
第三類接觸:清楚見到外星生物,包括類人形生命、機器人、UFO嘅佔有者,或飛行員等

後來亦有更多人提出其他類別嘅接觸,不過就未普遍受到認同,主要係因為下列嘅類別,偏離咗Hynek希望為UFO研究所帶嚟嘅科學嚴謹性。呢啲包括:
第四類接觸:人類被不明飛行物或外星生物綁架嘅事件
第五類接觸:外星生物同人直接溝通,喺人類有意識、自願同主動去溝通
第六類接觸:人類或者動物因為目繫UFO而死亡,不過亦有人覺得呢類係屬於第二類接觸嘅較嚴重例子
第七類接觸:人類同外星生物通過交配或者人工科學方法生出物體

雖然美國國家航空暨太空總署(NASA)一路都否認外星人嘅存在,不過唔知大家又有咩睇法?究竟唔同類別接觸嘅事件屬真屬假?

分享


你可能感興趣: