【飲食冷知識】啤酒與奴隸的有趣歷史

歷史與由來 飲食

有人講過,未成熟嘅時候飲啤酒,會覺得啤酒好苦,當覺得啤酒甜嘅時候,代表住大家感受緊成長嘅苦!

好啦,入返正題,除咗水、茶之外,啤酒係世界上第三樣最多人飲嘅飲品,更係唔少打工仔收工必備嘅解壓佳品,啤酒嘅歷史源遠流長,係度同大家分享一件有關啤酒嘅有趣歷史啦!

喺古埃及建築「吉薩金字塔群」嘅時候,每一個奴隸喺每一日,都可以獲分配四至五升嘅啤酒,以及小量茶點,以確保有足夠嘅營養繼續勞動,如果唔係,大家未必可以見到今時今日嘅金字塔!另外,大約五千年前嘅伊拉克(當時叫烏魯克),老闆支付工資嘅方法,就係用啤酒代替。考古學家亦認為,啤酒喺建立人類文明上,存在十分重要嘅作用!

啤酒,可以話係見証住咁多位打工仔比老闆勞役嘅歷史,以前啤酒係有人提供,而家啤酒仲要自己比錢,點都好啦,今朝有酒今朝醉,Cheers !

註:「未成年請勿飲酒」

分享


你可能感興趣: