生活冷知識:天然吸濕劑︱Beginneros

科學 生活

天氣開始潮濕,唔想用化學物品,有冇其他解決方法防止霉菌滋生?

潮濕嘅天氣特別容易令人攰,甚至容易引起疾病,有唔少害蟲例如卜泥、白蟻,更加會因為潮濕而引起。但屋企地方有限,未必有位放抽濕機,用防潮珠同吸濕盒又怕入面有化學成分,可以點好呀?

其實有唔少天然野都可以幫到大家,橙皮就係其中一種啦!只要我地將橙皮曬乾或者風乾,令橙皮變至乾爽同脆身,就可以放入網袋封好,放喺需要吸濕嘅地方發揮功效!雖然效果比唔上化學用吸濕珠,不過起碼夠天然嘛。其實只要物件具備「乾燥、具吸附能力、表面面積大」呢啲因素,就可以達致效果!

想要其他香味?柑、檸檬或者西柚皮,都有同樣功效!當用左一段時間,發現佢地開始變軟,就需要更換啦!

分享


你可能感興趣: