【醫藥冷知識】偉哥的由來

醫藥健康

相信10個男仔,9個都知偉哥係咩同埋用嚟做咩。(唔知就問你身邊嘅男性朋友啦)

偉哥真名係昔多芬 (Sildenafil)。原本偉哥最早係為咗用嚟治療心血管疾病而研發,原意係希望透過釋放生物活性物質一氧化氮,以舒緩心血管平滑肌,達到擴張血管﹑緩解心血管疾病嘅目的。不過功效令人失望,無法子成為成功嘅治療藥物。

點知睇報告嘅時候,一項副作用引起咗研究人員嘅注意,原來有好多治療者試完藥之後,都唔肯交番剩低嘅出嚟。追查之下,發現呢種藥對性生活有所改善,於是就改變左研究方向,對男性下體海綿體平滑肌作用展開研究。最後仲研究成功,令藥廠名聲大噪,亦為唔少人帶黎性福!所以話,有時有啲野,係有意思不到嘅效果架!

分享


你可能感興趣: