【自然冷知識】世界上最大的花

自然與科學

之前都提過世界最大嘅生物係藍鯨,咁你又知唔知世界最大嘅花係咩呢?

世界上最大嘅花學名係Rafflesia,又叫大王花,品種大約有28種。有啲品種嘅大王花嘅直徑可以超過1米,重達22磅,即使最細嘅品種直徑都有12cm。佢生長於亞洲東南部,例如印尼、馬來西亞、泰國、菲律賓。呢種花冇莖、根、葉,見到嘅就只有五塊狀花瓣。

好想見下佢真身?可能要諗下啦,因為大王花除咗大仲有另一個特點,就係夠臭!大王花會發出腐爛屍體一樣嘅惡臭,吸引昆蟲例如蒼蠅幫佢傳播花粉,所以又有人叫佢「屍花」。不過千萬唔好將佢同另一種屍花「巨花魔芋」撈亂啊,雖然兩種都好臭,但係佢地好唔同架。

咪住先?有冇人覺得好似霸王花!

資料來源:書籍Rafflesia of the world

分享


你可能感興趣: