健康冷知識:皮膚乾燥容易發癢的原因︱Beginneros

健康

平時沖完涼或者冬天嘅時候,皮膚會因乾燥成日變得好痕,甚至產生龜裂,背後係咩原因呢?

發癢最主要嘅原因,係因為皮膚角質層含水量低,角質層間結構變得鬆散,令皮脂膜抵擋唔到外界刺激,變到較敏感。

皮膚嘅水份主要來自體內血液循環供應,冬天氣溫低嘅時候,皮膚血管收縮,皮脂腺同汗腺嘅分泌明顯減少;皮膚缺乏足夠嘅皮脂來防止水份蒸發,加上空氣濕度低,造成水份快速散失,令皮膚開始產生乾燥、緊繃、搔癢嘅狀況。

如果想避免哩個情況,可以減少令皮膚乾燥嘅機會,包括飲多啲水補充身體水份、沖完涼用補濕品。另外,避免用太熱嘅水沖涼或洗面亦都可行,因為熱水會容易去除身上嘅皮脂,令乾燥情況更嚴重。

所以記得好好保護皮膚喇,因為佢同一時間保護緊我地架!

分享


你可能感興趣: